O'zb  |  Ўзб  |   Рус  |  Eng
Авторизация
» » Таълим фидойиларига эҳтиром

Таълим фидойиларига эҳтиром

Категория: Umumiy, talim
Таълим фидойиларига эҳтиром

1 октябрь – Ўқитувчи ва мураббийлар куни муносабати билан ўтказилаётган турли маънавий-маърифий тадбирлар, давра суҳбатлари, мулоқотлар, илмий анжуманлар, учрашувларда ана шу масалаларга алоҳида эътибор қаратилмоқда. Ёшларга чуқур билим бериш, уларни она Ватанга, миллий истиқлол ғояларига садоқат руҳида камол топтиришда муаллимларнинг меҳнатлари алоҳида эътироф этилиб, истиқболдаги вазифалар белгилаб олинмоқда.

30 сентябрь куни бир гуруҳ фахрий ва фаол ўқитувчилар, ёш муаллимлар ҳурриятимиз, порлоқ истиқболимиз ва эзгу ниятларимиз рамзи бўлган Мустақиллик ва эзгулик монументи пойига гуллар қўйди.

Шу куни Ўзбек Миллий академик драма театрида ушбу байрам муносабати билан тантанали тадбир бўлиб ўтди. Унда сенаторлар, депутатлар, Халқ таълими, Олий ва ўрта махсус таълим, Маданият ва спорт ишлари вазирликлари ходимлари, Ўзбекистон Қаҳрамонлари, олий таълим муассасалари профессор-ўқитувчилари, мактаблар, академик лицей ва касб-ҳунар коллежларининг педагоглари, спорт мураббийлари иштирок этди.

Ўзбекистон Республикаси Президенти вазифасини бажарувчи Шавкат Мирзиёевнинг Ўзбекистон ўқитувчи ва мураббийларига байрам табригини Президентнинг Давлат маслаҳатчиси Х.Султонов ўқиб эшиттирди.

Мамлакатимизнинг Биринчи Президенти Ислом Каримов ташаббуси билан истиқлолнинг дастлабки кунларидан янгича билим ва тафаккурли, юксак маънавиятли авлодни тарбиялаш масаласига устувор вазифа сифатида эътибор қаратилди.

Давлатимиз раҳбари ташаббуси билан ишлаб чиқилган «Таълим тўғрисида»ги қонун, Кадрлар тайёрлаш миллий дастури, Мактаб таълимини ривожлантириш давлат умуммиллий дастури жамиятимиздаги ижтимоий-маърифий ҳаётни тубдан ўзгартирди. Ушбу ҳужжатлар замонавий билим масканларини барпо этиш, ёшларни 12 йиллик бепул мажбурий таълим билан тўлақонли қамраб олиш, давлат таълим стандартлари ва ўқув режаларини замон руҳига мос тарзда ислоҳ этиш каби кенг қамровли ишларни тизимли амалга оширишда муҳим пойдевор бўлиб хизмат қилди.

Ўқитувчиларга кўрсатилаётган юксак эътибор таълим тизимининг барча бўғинларида яққол кўзга ташланмоқда. Ўтган йиллар мобайнида қабул қилинган бир қатор фармон ва қарорлар, ҳуқуқий-меъёрий ҳужжатлар умумтаълим мактаблари ўқитувчиларининг ойлик иш ҳақини бир неча баробар ошириш, уларнинг ўз устида ишлаши, изланиши, дарс жараёнига илғор педагогик технологияларни жорий этиши учун кенг имкониятлар яратмоқда.

Ўзбекистон Республикаси Халқ таълими вазирлиги томонидан амалиётга жорий этилаётган лойиҳалар, турли маърифий-ижодий танловлар ёшларга билим беришга доир илғор тажрибалар, инновацион ғоя ва ташаббусларнинг тобора кенг қулоч ёйиши, оммалашиши, болаларнинг ўқишга иштиёқи кучайиши, ўзлаштиришда ижобий натижаларга эришишга хизмат қилмоқда. “Йилнинг энг яхши фан ўқитувчиси”, “Йилнинг энг яхши мактаб директори”, “Йилнинг энг яхши психологи”, “Йилнинг энг яхши методисти”, “Йилнинг энг фаол маънавият тарғиботчиси”, “Йилнинг энг яхши фаол маънавий-марифий ишлар бўйича директор ўринбосари” каби кўрик-танловлар орқали илғор, ташаббускор, ижодкор педагоглар тажрибасини атрофлича таҳлил этиш ва ўрганиш, инновацион иш тажрибасини янада кенгроқ оммалаштириш орқали таълим мазмуни такомиллашмоқда.

Президентимизнинг 2012 йил 10 декабрдаги “Чет тилларни ўрганиш тизимини янада такомиллаштириш чора-тадбирлари тўғрисида”ги қарори хорижий тилларни ўқитишга доир ишларни замон руҳи билан ҳамнафас йўлга қўйиш, бунда педагогларнинг касбга оид билим ва кўникмаларини доимий янгилашда муҳим аҳамият касб этмоқда. Чет тиллари ўқитувчиларини қўшимча рағбатлантириш мақсадида “Йилнинг энг яхши инглиз тили ўқитувчиси” кўрик-танлови ўтказилиши яхши анъанага айланди.

«Соғлом она ва бола йили» Давлат дастури доирасида малакали тренер-ўқитувчилар таркибини янада кенгайтириш, уларни ўқув-методик қўлланмалар билан таъминлаш ишлари ортди. Таълим соҳасидаги ислоҳотлар натижасида минглаб ёшларимиз спорт, фан олимпиадалари, халқаро ижодий танловлар, кўрик-фестивалларда муваффақият қозонмоқда.

Мамлакатимиз Президенти вазифасини бажарувчи Шавкат Мирзиёевнинг 2016 йил 29 сентябрдаги фармонига мувофиқ таълим-тарбия тизимида алоҳида ўрнак кўрсатган ходимлардан бир гуруҳи Ватанимизнинг фахрий унвонлари, орден ва медаллари билан тақдирланди.
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.
КОММЕНТАРИИ (1)
jeff 16 января 2017 14:05
The Rolex Day-Date 40 is available in 950 replica watches platinum (Reference 228206), 18k Everose gold (Reference 228235), 18k yellow gold (Reference 228238), and 18k white gold (Reference 228239). Prices will be CHF59,600 Rolex Day-Date 40 Platinum, CHF35,800 for the hublot replica Rolex Day-Date 40 Everose, CHF33,200 for the Rolex Day-Date 40 in yellow gold, and CHF35,800 for the white gold Rolex Day-Date 40. Look for a hands-on coming replica watches very soon. Rolex has just released a new video titled "The Spirit of the Datejust" just two weeks in advance of Baselworld 2015, and in honor of the 70th anniversary of the iconic Datejust fake breitling collection, which originally debuted in 1945.
          1